నగరంలోని 10వ డివిజన్ పరిధిలోని నాగారం జింగి తాండాలో లంబాడి సోదరులు సిత్ల పండుగను భక్తిశ్రద్ధలతో, సాంప్రదాయబద్ధంగా ఘనంగా నిర్వహించారు. ఈ సందర్భంగా అమ్మవారికి ప్రత్యేక పూజలు నిర్వహించి, గ్రామ ప్రజలందరూ పెద్ద సంఖ్యలో పాల్గొని పండుగను ఆనందోత్సాహాల మధ్య జరుపుకున్నారు.
లంబాడి సంస్కృతి, సంప్రదాయాలను పరిరక్షిస్తూ ప్రతి సంవత్సరం నిర్వహించే ఈ పండుగ సామాజిక ఐక్యత, సోదరభావాన్ని పెంపొందించేలా ఉందని పలువురు పేర్కొన్నారు. గ్రామంలో భక్తిమయ వాతావరణం నెలకొనగా, కార్యక్రమం విజయవంతంగా జరిగింది.
ఈ కార్యక్రమంలో తండా పెద్దలు వసరం నాయక్, అర్జున్, చరణ్ సింగ్, గోపి, విజయ్, వినోద్ పవర్, పవన్ కళ్యాణ్, సంజీవ్, అనిల్, జగన్ అలాగే 9వ డివిజన్ కార్పొరేటర్ కేతవాత్ సురేఖ అమర్ సింగ్ పాల్గొని కార్యక్రమాన్ని విజయవంతం చేశారు.
